დოლიძის ქუჩაზე საცხოვრებელი სახლი მთლიანად დაიწვა

თბილისში, დოლიძის ქუჩაზე ცეცხლი კერძო საცხოვრებელ სახლს მოედო. ხანძარი დილის რვის ნახევრისთვის გაჩნდა.

ადგილობრივების ინფორმაციით, სახლში 5-სულიანი ოჯახი ცხოვრობდა. საბედნიეროდ არავინ დაშავებულა.

დამწვარია საყოფაცხოვრებო ტექნიკა, ავეჯი და ნივთები.

დაზარალებულები გამგეობამ დროებით საცხოვრებელში, ქირით გადაიყვანა.

ბოლო ინფორმაციით, ცეცხლი უკვე ლიკვიდირებულია. ხანძრის გამომწვევ სავარაუდო მიზეზად, ელექტროგაყვანილობის დაზიანება სახელდება.

კომენტარები:

კომენტარის დამატება