კენიაში სკოლები 2021 წლამდე არ გაიხსნება

კენიის განათლების სამინისტრო აცხადებს, რომ სკოლები 2021 წლამდე დახურული იქნება და იმუშავებენ იმაზე, თუ როგორ გახადონ ონლაინსწავლება ყველა მოსწავლისთვის ხელმისაწვდომი – ამის შესახებ BBC წერს.

კენიაში სკოლები 2021 წლამდე არ გაიხსნება

ამასთან, გაუქმდა ფინალური გამოცდები, რომელიც, როგორც წესი, ოქტომბერსა და ნოემბერში ტარდებოდა.

შეზღუდვა არ ეხება კოლეჯებსა და უნივერსიტეტებს. აქ სწავლა სექტემბრიდან გაგრძელდება, თუმცა მკაცრი მითითებების დაცვა მოუწევთ.

კენიაში სკოლები მარტის შუა რიცხვებში დაიხურა.

ქვეყანაში კორონავირუსის 8 ათასზე მეტი შემთხვევაა დადასტურებული. სულ მცირე 164 ადამიანი კი ვირუსს ემსხვერპლა.

წყარო: imedinews.ge