ევროპაში 5G-ის მოწინააღმდეგეებისთვის სპეციალურ სახლს ააშენებენ

ევროპაში, ნიდერლანდებში, ქალაქ ჰელმონდში ააშენებენ სახლს, რომელშიც ელექტრომაგნიტური გამოსხივება დაბლოკილი იქნება. ამ სახლს ააშენებენ მგრძნობიარე ადამიანებისთვის, რომელთაც 5G-ის გავლენით, თავის ტკივილი და უძილობა ეწყებათ. ამის შესახებ Innovation Origins წერს.

ევროპაში 5G-ის მოწინააღმდეგეებისთვის სპეციალურ სახლს ააშენებენ

სახლი „ჭკვიან უბანში“ ბრეინპორტში აშენდება. პროექტის ავტორები არიან ეინდჰოვენის ტექნიკური უნივერსიტეტის სტუდენტები. მათ შეიმუშავეს კონსტრუქცია, რომელიც სატესტო იქნება.

„ჩვენ არ ვიკვლევთ 5G-ის გავლენას ადამიანებზე, ამას აკეთებენ ექიმები“, – აცხადებენ პროექტის ავტორები.

ევროპის სოციალურ-ეკონომიკური კომიტეტის განცხადებით, ევროპაში მოსახლეობის 3-5% ელექტრომაგნიტური გამოსხივების მიმართ მგრძნობიარეა. ეს დაახლოებით 13 მილიონი ადამიანია. თუმცა ჯერ ექიმების მიერ დადგენილი არაა, რომ 5G-ი ან ზოგადად ელექტრომაგნიტური გამოსხივება თავის ტკივილსა და უძილობას იწვევს.

 

“იმედინიუსი”