ჯავახეთელი სომხები ყარაბაღის ფრონტის დასახმარებლად გამოვიდნენ – რა ხდებოდა ნინოწმინდაში

“სამხრეთის კარიბჭე”, მარიამ ბარძიმაძე, 28 სექტემბრის საღამოს: ნინოწმინდაში, საქართველო–სომხეთის საზღვართან ვითარება დღეს, 28 სექტემბერს გვიან საღამოს დაიძაბა. ცენტრალური გზა პოლიციის თანამშრომლებს აქვთ გადაკეტილი, ისინი სატვირთო მანქანების არ ატარებენ.

„ნინოწმინდასა და ახალქალქში ხალხმა შეაგროვა საბურავები, მედიკამენტები, ბოსტნეული, ყველაზე საჭირო ნივთები შეგროვდა და გვინდა სომხეთში ჩავიტანოთ, იქ ომია და ჩვენს ძმებს დახმარება სჭირდებათ. ვისაც ორი შარვალი ჰქონდა ერთი სომხეთში გასაგზავნად გამოიტანა, ამ ადამიანების ნათესავები და ახლობლები იბრძვიან, მე ახლა საზღვრიდან 10 კილომეტრის დაშორებით ვიმყოფები. ერთმანეთში საუბრობენ საქართველოს და სომხეთის საგარეო უწყებები, რა და როგორ იქნება პასუხს გვეტყვიან“,- ამბობს ნინოწმინდაში მცხოვრები ანდრანიკ კარსლიანი.

ორი ქვეყნის საზღვართან ადგილობრივები დაახლოებით 21:50 სთ-ზე მივიდნენ.

ვითარების გასარკვევად “სამხრეთის კარიბჭე” შემოსავლების სამსახურის საზოგადოებასთან ურთიერთობის სამსახურს დაუკავშირდა, თუმცა ჩვენს ზარებს არ უპასუხეს. კომენტარი არ გააკეთეს არც შინაგან საქმეთა სამინისტროში.

მოგვიანებით, ვითარების განმუხტვა მოხდა, როდესაც ქართულმა საბაჟომ საკვები პროდუქტებით დატვირთული ფურები გაატარა სომხეთის მიმართულებით.

“ოთხი ტრაილერი გვყავდა საბურავებით დატვირთული და უკან გააბრუნეს, ხვალიდან დავიწყებთ მოლაპარაკებებს, რომ სურსათის მსგავსად მათი გატანის უფლება მოგვცენ”, – აცხადებენ ადგილობრივები.

ადგილობრივებთან ერთად, სამართალდამცავებთან მოლაპარაკებებს აწარმოებდა დილისკის ეკლესიის მღვდელი ტერ ტიგრან მხითარიანი. მისი თქმით, რადგან სურსათის გადატანის უფლება მისცეს, ადგილობრივები ხვალ კიდევ შეაგროვებენ.

დღეს, 28 სექტემბერს ახალქალაქსა და ნინოწმინდაში მთელი დღის განმავლობაში აგროვებდნენ სურსათს, ტანსაცმელს, მედიკამენტებს და საბურავებს. სომხეთის დასახმარებლად ახალგაზრდები მოხალისეთა სიაშიც ჩაეწერნენ.

Ջավախքի երիտասարդները հավաքել են անվադողեր եւ սննդամթերք, որպեսզի ուղարկեն Արցախ։ Բեռնատարները այս պահին փորձում են հատել վրաց-հայկական սահմանային անցակետը, սակայն իրավապահ մարմինները թույլ չեն տալիս հատելու պետական սահմանը, քանի որ այդպես է թելադրում համավարակային իրավիճակը։ Սա քաղաքացիական նախաձեռնություն է եւ նախաձեռնողները այս պահին փորձում են բանակցություններ վարել, որպեսզի թույլ տան բեռնատարները հատեն սահմանային անցակետը։ Հետեւեք մեզ, կտեղեկացնենք զարգացումների ընթացքին։ Եթերն հատուկ Atv12 հեռուստատեսություն համար ապահովում է Ռադիկ Եզոյանը

Опубликовано Телевидение Атвом Понедельник, 28 сентября 2020 г.