გიორგი შაქარაშვილის საქმეზე ნაფიც მსაჯულთა შერჩევა დღეიდან დაიწყება …

ფეხბურთელ გიორგი შაქარაშვილის საქმეზე ნაფიც მსაჯულთა შერჩევის ეტაპი გორის რაიონულ სასამართლოში დღეს, 19 ოქტომბერს იწყება.

გიორგი შაქარაშვილის საქმეზე ნაფიც მსაჯულთა შერჩევა დღეიდან დაიწყება ...

სხდომა სასამართლოში 15:00 საათზეა დანიშნული.

დღევანდელ სასამართლო პროცესზე ნაფიც მსაჯულთა კანდიდატების სიის დამტკიცება მოხდება. საქმის ნაფიცი მსაჯულების მიერ განხილვის სურვილი და თანხმობა სამმა ბრალდებულმა – არჩილ გაგნიძემ, ნიკოლოზ რევაზიშვილმა და ვახტანგ ჩიქოვანმა გამოთქვეს.

ცნობისთვის, ნაფიც მსაჯულთა სასამართლო ფეხბურთელ გიორგი შაქარაშვილის საქმეზე თავისუფლების უკანონო აღკვეთასა და ჯგუფურ ძალადობაში მონაწილეობის ეპიზოდზე ბრალდებულებიდან არჩილ გაგნიძის, ნიკოლოზ რევაზიშვილისა და ვახტანგ ჩიქოვანის საქმეს განიხილავს.

 

წყარო: interpressnews.ge