ყველაფერი ახალი ვაქცინის შესახებ – დაასრულებს თუ არა პანდემიას ახალი ვაქცინა Moderna!?

16 ნოემბერს ფარმაკოლოგიურმა კომპანია Moderna-მ განაცხადა, რომ კორონავირუსის ექსპერიმენტული კვლევის ადრეული შედეგების მიხედვით, მათი ვაქცინა 94,5%-ით ეფექტურია.

ყველაფერი ახალი ვაქცინის შესახებ - დაასრულებს თუ არა პანდემიას ახალი ვაქცინა Moderna!?

თუმცა, უნდა აღინიშნოს, რომ კვლევის შედეგები პირველადია და ჯერ ვაქცინის შესახებ კიდევ ბევრი რამ არ არის ცნობილი.

რა ვიცით ჩატარებული კვლევის შესახებ?

კვლევაში, რომელსაც კომპანია Moderna ეყრდნობა, 30 000 ადამიანი მონაწილეობდა და ის აშშ-ში ჩატარდა. მონაწილეების ¼-ს 65 წლის ან მასზე მეტი ასაკის ადამიანები შეადგენდნენ.

კვლევაში მონაწილე პირთა ნახევარს ვაქცინა 4 კვირის ინტერვალში ორგანიზმში 2-ჯერ შეუყვანეს. ხოლო დანარჩენებს პლაცებო გაუკეთეს.

კვლევაში მონაწილე ადამიანებიდან კორონავირუსის სიმპტომები მხოლოდ 95-ს განუვითარდა.

აქედან 5 მათგანი იმ ჯგუფს მიეკუთვნებოდა, რომელსაც ვაქცინა ორგანიზმში შეუყვანეს, ხოლო დანარჩენი 90 მათ, ვისაც პლაცებო გაუკეთეს.

რა ვიცით კვლევაში მონაწილე იმ 95 ადამიანზე, რომლებიც ვირუსით დაინფიცირდნენ?

ვირუსით კვლევაში მონაწილე ადამიანებიდან 95 მათგანი დაინფიცირდა. აქედან 11 მათგანს კორონავირუსის მძიმე ფორმა ჰქონდა.

თუმცა, უნდა აღინიშნოს, რომ ეს ადამიანები იმ ჯგუფს მიეკუთვნებოდნენ, რომლებსაც პლაცებო გაუკეთეს.

რაც შეეხება ადამიანების იმ ჯგუფს, რომლებიც ვაქცინის ორგანიზმში შეყვანის მიუხედავად მაინც დაინფიცირდნენ, მათ ვირუსის მსუბუქი ფორმები აღენიშნებოდათ.

შესაბამისად, მკვლევრებმა დაადგინეს, რომ ვირუსით ინფიცირების შემთხვევაშიც ვაქცინა ადამიანებს კოვიდის მძიმე ფორმების განვითარებისგან იცავს.

ნიშნავს თუ არა ეს შედეგები იმას, რომ Moderna-ს ვაქცინა პანდემიას დაასრულებს?

მოკლევადიან პერიოდში ამას არ უნდა ველოდოთ.

დიდი ალბათობით, კორონავირუსის ვაქცინები ფართო საზოგადოებისთვის ხელმისაწვდომი 2021 წლის გაზაფხულზე იქნება. თუ ეს მოლოდინი გამართლდა და მსოფლიო მოსახლეობის უმეტესობის ვაქცინაცია მოხდა, პანდემიის მიმდინარეობა მკვეთრად შემცირდება. შედეგად, სამყარო ცხოვრების ნორმალურ რიტმს თანდათანობით დაუბრუნდება.

ამასთანავე, როგორც WHO-ხელმძღვანელი, ტედროს ადჰანომ გებრეიესუსი აცხადებს, პანდემიას მხოლოდ COVID-19-ის ვაქცინა ვერ შეაჩერებს.

„პანდემიის დაწყებისთანავე ვიცოდით, რომ ვაქცინა აუცილებელი იყო პანდემიის გასაკონტროლებლად. მაგრამ მნიშვნელოვანია, ხაზი გავუსვათ, რომ ვაქცინა დაემატება და არა ჩაანაცვლებს იმ საშუალებებს, რაც ჩვენ გვაქვს. მხოლოდ ვაქცინა კორონავირუსის პანდემიას ვერ შეაჩერებს. პარალელურად უნდა გაგრძელდეს ადამიანების ტესტირება, საჭიროების შემთხვევაში იზოლაცია და კონტაქტების დადგენა,“- განაცხადა გებრეიესუსმა.

არის თუ არა Moderna-ს ვაქცინა ტრამპის ადმინისტრაციის პროექტის (Wrap Speed) ნაწილი?

– დიდი ალბათობით, დიახ. აშშ-ს მთავრობამ Moderna-ს ვაქცინის შემუშავებისა და ტესტირებისთვის 1 მილიარდი დოლარი გამოყო. ამერიკის ჯანმრთელობის ეროვნული ინსტიტუტის მკვლევარები კვლევის დიდ ნაწილს, მათ შორის კლინიკურ კვლევებს, ზედამხედველობას უწევდნენ.

შეგახსენებთ, რომ Pfizer-ის ვიცე-პრეზიდენტმა და ვაქცინის კვლევისა და განვითარების ხელმძღვანელი, ქეთრინ ჯენსენი ვაქცინის შემუშავების პროცესში დონალდ ტრამპთან ყველანაირ საჯარო და კერძო თანამშრომლობას უარყოფს.

ყველაფერი ახალი ვაქცინის შესახებ - დაასრულებს თუ არა პანდემიას ახალი ვაქცინა Moderna!?

რა განსხვავებაა Moderna-სა და Pfizer-ის მიერ გამოქვეყნებულ კვლევებს შორის?

9 ნოემბერს Pfizer-ის მიერ გამოქვეყნებული შედეგები კვლევის შესახებ ნაკლებ ინფორმაციას შეიცავდა, ვიდრე Moderna-ს მიერ 16 ნოემბერს გავრცელებული ინფორმაცია.

თუმცა, Moderna-ს კვლევის შედეგების გამოქვეყნებიდან 2 დღეში Pfizer-მა განაცხადა, რომ მათი ვაქცინა არა 90-ით, არამედ 95%-ით ეფექტურია.

Pfizer-ს არ გამოუქვეყნებია მონაცემები კვლევაში მონაწილე ადამიანებიდან რამდენ მათგანს ჰქონდა კორონავირუსის მძიმე ფორმა. ასევე, იმის შესახებ, თუ ინფიცირებულებიდან რამდენ მათგანს ჰქონდა გაკეთებული ვაქცინა და პლაცებო.

სავარაუდოდ, ამის შესახებ ინფორმაცია უახლოეს მომავალში გახდება ცნობილი

აღსანიშნავია, რომ ორივე კომპანიამ ვაქცინის შემუშავებიას ინოვაციური და ექსპერიმენტული მიდგომა გამოიყენა.

რა იქნება შემდეგი ნაბიჯი?

Pfizer-ი და Moderna კვლევებს კვლავ გაარძელებენ, რათა უფრო მეტი მონაცემები შეაგროვონ. ამასთანავე, ორივე კომპანია სწრაფი ლიცენზირებისთვის თავიანთ ვაქცინებს აშშ-ს სურსათისა და წამლის ადმინისტრაციას (FDA) რამდენიმე კვირაში წარუდგენს.

ლიცენზიის მინიჭების შემდეგ, დაავადებათა კონტროლისა და პრევენციის ცენტრის რეკომენდაციებს გასცემს იმასთან დაკავშირებით, თუ პირველად ვინ უნდა მიიღოს ვაქცინა.

თუ ყველაფერი გეგმის მიხედვით წავა, შესაძლებელია, ვაქცინების განაწილების პროცესი წლის ბოლოს დაიწყოს.

წყარო: ptn.ge