მოკლედ, ღარიბაშვილი პარტიის თავმჯდომარედ! ესაა ერთადერთი, რამაც შესაძლოა შეცვალოს  ვითარება- ხათუნა ხოფერია

ტიპიური შედეგი ქვეყანაში დამკვიდრებული მრავალხელისუფლებიანობის! ანუ ხელისუფლების არარსებობის!

 მოკლედ, ღარიბაშვილი პარტიის თავმჯდომარედ! ესაა ერთადერთი, რამაც შესაძლოა შეცვალოს  ვითარება- ხათუნა ხოფერია

პარტია, რომელიც 8 წელი მართავდა ქვეყანას, დღეს ულიდერო, უფრო სწორედ, უავტორიტეტო ლიდერების ხელშია მოქცეული, რომელთაც არც პასუხისმგებლობის აღება შეუძლიათ და არც არავინ გამოუცხადებს ნდობას, რომც ცადონ პასუხისმგებლობის აღება.

ერთადერთი, რამაც შესაძლოა შეცვალოს (ასე თუ ისე) ვითარება, ესაა ღარიბაშვილის დანიშვნა პარტიის თავმჯდომარედ და ხელისუფლების ერთ ვერტიკალში მოქცევა.
ეს ნაბიჯი მისცემს საშუალებას აღმასრულებელ ხელისუფლებას თავი დაიხსნას კობახიძის მიერ ავანსად გაცემული დაპირებებისა და ვალდებულებებისგან. ასევე მოიხსნას ამბიციური, გაუაზრებელი პარტიული წნეხი.
პარალელურად, საპარლამენტო უმრავლრსობა უნდა დაიშალოს ფრაქციებად. მმართველ პარტიას ეყოლება თავისი მოზრდილი და ანგარიშგასაწევი ძალა. ასევე ცალკე იქნება გახარიას ფრაქცია და ცალკე ე.წ. წვრილფეხობა.
მხოლოდ ასეთ შემთხვევაში დაიბრუნებს პარლამენტი ქმედუნარიანობას და თავის მაღალ პოლიტიკურ ტრიბუნას! ის აღარ იქნება მკვდარზე ვენოკივით და რეალურად შეძლებს მთავრობის კონტროლს, როგორც საკანონმდებლო ორგანო!
მოკლედ, ღარიბაშვილი პარტიის თავმჯდომარედ!

ხათუნა ხოფერია; სოციალური ქსელი