რუსეთი ჩეხეთისა და ბულგარეთის პროვოკაციულ ნაბიჯებს უპასუხოდ არ დატოვებს- კრემლი

რუსეთის პრეზიდენტის პრესმდივანმა, დიმიტრი პესკოვმა განაცხადა, რომ ოფიციალური მოსკოვი ჩეხეთისა და ბულგარეთის უსაფუძვლო და პროვოკაციულ ბრალდებებს უპასუხოდ არ დატოვებს.

რუსეთი ჩეხეთისა და ბულგარეთის პროვოკაციულ ნაბიჯებს უპასუხოდ არ დატოვებს- კრემლი
A

„რუსეთი რეაგირებს და შემდგომშიც ასე მოხდება. რუსეთი უპასუხოდ არ დატოვებს აბსოლუტურად მიუღებელ და პროვოკაციულ ნაბიჯებს“, – აღნიშნა კრემლის ოფიციალურმა წარმომადგენელმა.

დიმიტრი პესკოვს არ დაუზუსტებია, თუ რა საპასუხო ზომებს მიიღებს რუსეთის ხელისუფლება.

„დაკონკრეტება არ მსურს. ნებისმიერ შემთხვევაში, რუსეთის ნებისმიერი ქმედება ჩვენი ინტერესებიდან გამომდინარე განხორციელდება“, – აღნიშნა მან.

28 აპრილს ბულგარეთის პროკურატურამ 2011, 2015 და 2020 წლებში საბრძოლო მასალების საწყობების აფეთქების ოთხ ინციდენტში ეჭვმიტანილად რუსეთის 6 მოქალაქე ცნო. ბულგარეთის პროკურატურის ინფორმაციით, ოთხივე შემთხვევაში, სამხედრო პროდუქცია განკუთვნილი იყო საქართველოსა და უკრაინაში ექსპორტისათვის.