პოლონელი მესაზღვრეები ბელარუსის მხარეს ცეცხლის გახსნაში ადანაშაულებენ

პოლონელი მესაზღვრეები ბელარუსის მხარეს ცეცხლის გახსნაში ადანაშაულებენ. ამის შესახებ ინფორმაციას Reuters ავრცელებს.

პოლონელი მესაზღვრეები ბელარუსის მხარეს ცეცხლის გახსნაში ადანაშაულებენ

„ბელარუსმა მესაზღვრემ პოლონეთის არმიის ჯარისკაცების მიმართულებით გაისროლა, რომლებიც ტერიტორიაზე პატრულირებდნენ“ – აღნიშნა პოლონეთის სასაზღვრო სამსახურის პრესსპიკერმა.

პოლონეთის საგარეო საქმეთა სამინისტროს პრესსპიკერის, ლუკაშ იასინას განცხადებით, ბელარუსის მხრიდან პროვოკაციების განსახილველად ბელარუსის დროებითი რწმუნებული საგარეო უწყებაში დაიბარეს.

7 სექტემბერს, მიგრანტების რაოდენობის ზრდისა და რუსეთის მიერ დაგეგმილი სამხედრო წვრთნების ფონზე, პოლონეთმა ბელარუსის საზღვარზე საგანგებო მდგომარეობა გამოაცხადა.

წყარო: newposts.ge