დუელი დაუნიშნა ჩემს შვილს… 11 წელი მოიხადა, გამოვიდა და ახლა მოკლა

მკვლელობა კახეთში – შემთხვევა გურჯაანიის მუნიციპალიტეტის სოფელ კალაურში

დუელი დაუნიშნა ჩემს შვილს... 11 წელი მოიხადა, გამოვიდა და ახლა მოკლა

გვიან ღამით მოხდა. მოკლულია 36 წლის გელა ჩაღიაშვილი. წინასწარი ინფორმაციით, მას 60 წლის თანასოფლელმა, გიორგი მღებრიშვილმა სანადირო თოფიდან რამდენჯერმე ესროლა. დაჭრილი ადგილზევე გარდაიცვალა.

მკვლელობისთვის პოლიციამ ერთი პირი დააკავა. მკვლელობის ერთ-ერთი მთავარი ვერსია შურისძიებაა. გავრცელებული ინფორმაციით, დაახლოებით 10 წლის წინ ჩაღიაშვილმა მღებრიშვილის დისშვილი სასიკვდილოდ დაჭრა და ჩადენილი დანაშაულისთვის მისჯილი 11 წელი მოიხადა. ოჯახის ახლობლების თქმით, არანაირ მუქარას ადგილი არ ჰქონია.

როგორც გარდაცვლილის მამა ამბობს, ჩაღიაშვილს 3 ტყვია აქვს მოხვედრილი: ხელზე, თავში და ფეხზე.

„დუელი დაუნიშნა ჩემს შვილს, დაჭრა გულში და მოკლა, წავიდა ციხეზე, 11 წელი მოიხადა ბალღმა, გამოვიდა და ახლა მოკლა. ერთი ხელში აქვს გარტყმული, თავში და ფეხში, დანგრეულია ბალღი,”- აცხადებს გარდაცვლილის მამა.

წყარო: რუსთავი 2