რუსეთის უსაფრთხოება მსოფლიოში ყველაზე ახალი და მძლავრი რაკეტებით არის უზრუნველყოფილი – რა არის “სარმატი”

რუსმა სამხედროებმა ოთხშაბათს ჩაატარეს მძიმე კონტინენტთაშორისი ბალისტიკური რაკეტის “სარმატის” (МБР “Сармат”) პირველი საცდელი გაშვება. თავდაცვის სამინისტროს ცნობით, მას მსოფლიოში ყველაზე დიდი დიაპაზონი აქვს და, სხვა ყველაფერთან ერთად, ჰიპერბგერითი ქობინების ტარება შეუძლია.

რუსეთის უსაფრთხოება მსოფლიოში ყველაზე ახალი და მძლავრი რაკეტებით არის უზრუნველყოფილი - რა არის "სარმატი"

რუსეთის პრეზიდენტმა ვლადიმირ პუტინმა, მიულოცა რა სამხედროებს “სარმატის” წარმატებული გამოცდა, ხაზგასმით აღნიშნა, რომ „მას მსოფლიოში ანალოგი არ გააჩნია და ასეთი ანალოგი კიდევ დიდხანს არ იარსებებს“. ეს იარაღი, მისი თქმით, “დამაჯერებლად უზრუნველჰყოფს რუსეთის უსაფრთხოებას” და “დააფიქრებს მათ, ვინც გააფთრებული აგრესიული რიტორიკის სიცხეში ცდილობს რუსეთს დაემუქროს”.

სააგენტო ТАСС-მა მოიძია ძირითადი მონაცემები, რაც ცნობილია რაკეტის გაშვების შესახებ.

პირველი გაშვება

რუსეთის თავდაცვის სამინისტროს ინფორმაციით, გაშვება განხორციელდა მოსკოვის დროით 15:12 საათზე, არხანგელსკის ოლქში მდებარე პლესეცკის კოსმოდრომის შახტიდან. საწვრთნელი ქობინი ჩაფრინდა დაგეგმილ ტერიტორიაზე კამჩატკის ნახევარკუნძულის კურას სასწავლო მოედანზე.

გაშვების ამოცანები „სრულად შესრულდა“, ხოლო რაკეტის გათვლითი მახასიათებლები „დადასტურდა <…> მისი ფრენის ყველა ეტაპზე“. სამინისტრომ ასევე ხაზგასმით აღნიშნა, რომ ფრენის ტესტებმა შესაძლებელი გახადა “სარმატში” ჩადებული გადაწყვეტილებების სისწორეში დარწმუნება.

პუტინმა, სამხედროებს მილოცვისას, რაკეტის გაშვებას უწოდა “დიდი, მნიშვნელოვანი მოვლენა რუსული არმიისთვის პერსპექტიული შეიარაღების სისტემების შემუშავებაში”. სამხედრო-სამრეწველო კომპლექსში,  ТАСС-ის წყაროების თანახმად, “სარმატის” გაშვება არაერთხელ გადაიდო. დეკემბერში სააგენტოს ერთ-ერთმა თანამოსაუბრემ განაცხადა, რომ ტესტები 2022 წლის პირველ კვარტალში ჩატარდებოდა.

 

რა არის ცნობილი “სარმატის” შესახებ

სარაკეტო სისტემა-28 “სარმატი” შეიქმნა ვ. პ. მაკეევის სახელობის სახელმწიფო სარაკეტო ცენტრში, რომელიც სპეციალიზირებულია საზღვაო ბაზაზე კონტინენტთაშორისი ბალისტიკური რაკეტების შემუშავებაში. ეს არის მძიმე კლასის თხევად საწვავზე მოქმედი რაკეტა, რომელსაც, ექსპერტების აზრით, შეუძლია 10 ტონამდე წონის მრავალჯერადი სატრანსპორტო საშუალების მიტანა მსოფლიოს ნებისმიერ წერტილში, როგორც ჩრდილოეთ, ისე სამხრეთ პოლუსების გავლით. სამხედრო დეპარტამენტმა აღნიშნა, რომ მას მსოფლიოში ყველაზე დიდი მანძილის დაფარვა აქვს.

როგორც პუტინმა აღნიშნა, ახალ კომპლექსს აქვს უმაღლესი ტაქტიკურ-ტექნიკური მახასიათებლები და შეუძლია გადალახოს ყველა თანამედროვე ანტისარაკეტო თავდაცვის სისტემა.

თავდაცვის სამინისტრომ კი ხაზგასმით აღნიშნა, რომ რაკეტის მახასიათებლები საშუალებას იძლევა ფუნდამენტურად გააფართოვოს “მისი საბრძოლო აღჭურვილობის დიაპაზონი, როგორც ქობინების რაოდენობისა და ტიპების თვალსაზრისით, ისე ჰიპერბგერითი დანაყოფების დაგეგმვის ჩათვლით”.

“სარმატის” შექმნისას გამოიყენეს მხოლოდ რუსული წარმოების კვანძები, კომპონენტები, ნაწილები“, – აღნიშნა პრეზიდენტმა პუტინმა. კომპლექსის წინამორბედი – “ვოევოდა” – შეიქმნა “იუჟნოეს” საკონსტრუქტორო ბიუროში, რომელიც მდებარეობს დნეპეროში (ყოფილი დნეპროპეტროვსკი) ანუ უკრაინაში.

ცდები გაგრძელდა 

გაშვება პირველია სახელმწიფო ტესტების პროგრამაში, – იუწყება თავდაცვის სამინისტრო. მისი დასრულების შემდეგ რაკეტა ჩაანაცვლებს რ-36მ2 „ვოევოდას“ კომპლექსს სტრატეგიულ სარაკეტო ძალებში, რომელიც ექსპლუატაციაში შევიდა 1988 წელს.
უჟურის სარაკეტო ფორმირების ერთ-ერთი პოლკი, რომელიც განლაგებულია კრასნოიარსკის მხარეში, იქნება პირველი, რომელიც მიიღებს უახლეს რაკეტებს.

მანამდე სტრატეგიული სარაკეტო ძალების მეთაურმა სერგეი კარაკაევმა განაცხადა, რომ “სარმატით” შეიარაღებული პირველი პოლკი საბრძოლო მოვალეობას 2022 წლის ბოლოს შეუდგება.