საქართველოს კალათბურთელთა ნაკრები უკრაინას დაუპირისპირდება

დღეს საქართველოს კალათბურთელთა ნაკრები მსოფლიოს 2023 წლის ჩემპიონატის შესარჩევი ეტაპის მეხუთე ტურში, რიგაში, უკრაინელებს შეხვდება. ქართველმა კალათბურთელებმა გუშინ მატჩამდე ბოლო ვარჯიში გამართეს.

საქართველოს კალათბურთელთა ნაკრები უკრაინას დაუპირისპირდება

ოთხი შეხვედრიდან სამი მოგებით ჯგუფის ლიდერი საქართველოს ნაკრებია, მეორე პოზიციაზე კი ესპანელები არიან, რომელთაც თამაშით ნაკლები აქვთ გამართული. 1 მოგებითა და 2 წაგებით კი მესამე პოზიციაზე უკრაინის ნაკრებია.

უკრაინა – საქართველოს შეხვედრა დღეს, თბილისის დროით 20:00 საათზე დაიწყება. 4 ივლისს კი საქართველოს ნაკრები თბილისში ესპანეთს უმასპინძლებს.